Top Picks

Description

Malta u l-Qatar iffirmaw hames ftehim bil-ghan li tissokta l-kollaborazzjoni bejn iz-zewg stati f'numru ta' oqsma fosthom l-edukazzjoni, is-sahha, il-kordinazzjoni politika u internazzjonali, progetti fis-settur privat u l-holqien tax-xoghol. Fl-istess hin, il-Gvern Malti habbar li se jiftah ambaxxata Maltija f'Doha fil-Qatar b'turija tal-impenn tieghu biex isiru progetti ta' interess komuni. Dan thabbar mill-Prim Ministru Lawrence Gonzi fi tmiem laqgha ufficcjali fil-Berga ta' Kastilja bejnu u l-Altezza Tieghu l-Emir tal-istat tal-Qatar - Sheikh Hamad Bin Khalifa al-Thani. L-emir tal-Qatar, akkumpanjat minn martu u minn delegazzjoni mdaqqsa, zar Malta ghal ftit sighat fejn iltaqa' wkoll mal-President ta' Malta George Abela fil-Palazz tal-President il-Belt Valletta. Kemm il-Prim Ministru kif ukoll il-President Abela, fl-ahhar snin, zaru l-Qatar fejn anke gew diskussi l-possibiltajiet ta' investiment mill-Qatar f'pajjizna. F'din iz-zjara, minbarra l-Emir innifsu, kien hemm numru ta' Ministri tal-Gvern Qatari fosthom il-Ministru tal-Energija u l-Industrija, il-Ministru tal-Affarijiet Barranin, il-Ministru tan-Negozju u l-Kummerc, kif ukoll il-President tal-Kamra tal-Kummerc u l-Industrija tal-Qatar, u l-Kap Ezekuttiv ta' Qatar Holding Company. Il-PM qal li ghalkemm fi stadju bikri, saru diskussjonijiet bejn iz-zewg nahat dwar il-possibilta' ta' investiment mill-Qatar f'Malta biex ikompli jinholoq ix-xoghol f'pajjizna, kif ukoll dwar ir-rizorsa tal-gass, bil-PM jtenni l-pjan tal-Gvern li l-power station taqleb minn zejt ghall-gass. Filwaqt li ddeskriva l-laqghat bhala produttivi hafna, il-PM qal li r-relazzjoni bejn iz-zewg pajjizi fl-ahhar sena, b'dak li sehh fil-Libja, kibret ferm. Qabel il-laqgha mal-Prim Ministru, l-Emir tal-Qatar ittiehed fil-Palazz tal-President fejn inghata merhba mill-President ta' Malta qabel ma - taht xita qliel, kull tant silg - indaqqu l-innijiet nazzjonali taz-zewg pajjizi. Ghac-cerimonja ufficcjali, li saret fil-bitha tal-Palazz tal-President minflok f'Misrah San Gorg, minhabba l-maltemp, attendew ukoll l-Arcisqof ta' Malta Pawlu Cremona, membri tal-Kabinett, Ambaxxaturi u numru ta' dinjitarji ohra. Fis-sala tal-Arazzi tal-Palazz tal-President, il-President ta' Malta pprezenta pittura watercolour b'xena mill-port ta' Marsamxett li kienet apprezzata ferm mill-istess Emir u d-delegazzjoni tieghu. Iktar tard, l-Emir tal-Qatar hawwel sigra taz-zebbug fil-gnien tal-Palazz ta' San Anton, bhala tifkira taz-zjara tieghu f'pajjizna, qabel ma d-delegazzjoni halliet Malta.